Gömlu íslensku mánaðaheiti eru þessi:

1. þorri hefst föstudag í 13. viku vetrar (19. – 26. janúar)
2. góa hefst sunnudag í 18. viku vetrar (18. – 25. febrúar)
3. einmánuður hefst þriðjudag í 22. viku vetrar (20. – 26. mars)
4. harpa hefst sumardaginn fyrsta, fimmtudag í 1. viku sumars (19. – 25. apríl)
5. skerpla hefst laugardag í 5. viku sumars (19. – 25. maí)
6. sólmánuður hefst mánudag í 9. viku sumars (18. – 24. júní)
7. heyannir hefjast á sunnudegi 23. – 30. júlí
8. tvímánuður hefst þriðjudag í 18. viku sumars (22. – 29. ágúst)
9. haustmánuður hefst fimmtudag í 23. viku sumars (20. – 26. september)
10. gormánuður hefst fyrsta vetrardag, laugardag í 1. viku vetrar (21. – 28. október)
11. ýlir hefst mánudag í 5. viku vetrar (20. – 27. nóvember)
12. mörsugur hefst miðvikudag í 9. viku vetrar (20. – 27. desember)

    Heimild: Árni Björnsson, 1993. Saga daganna. Reykjavík: Mál og menning. / Náttúran.is / Vísindavefur HÍ

Tíkurnar og ég í des 2011

Snjóþyngsti vetur síðan 1984 segja þeir á Veðurstofunni. Síðustu tvo mánuði hefur allt verið á kafi í snjó. Eins og gjarnan er hjá okkur skiptast dálítið á skin og skúrir þannig að á milli höfum viðfengið hlákuköst og hörku gadd með yfir 10° frosti sem er ekki svo algengt hjá okkur.

Brekkan hefur verið lokuð annað veifið og í tvær vikur eftir áramótinn var hún lokuð, bílinn uppi og við Kári veikir á víxl. Þetta var óttalegur barningur en Magnús bróðir kom og hjálpaði mér að versla og að fara í apótek.

Í febrúar í fyrra, eftir að ég keyptin Getzinn, lenti ég í dálitlum barningi með Brekkuna en ekkert á við það sem nú hefur verið. Getzinn er auðvitað á nýjum snjódekkjum með nöglum og er furðu duglegur miðað við stærð og gerð og það hefði ekki hjálpað mér nema að litlum hluta að vera á jeppa.

Nú vona ég svo sannarlega að þessu fari að linna. Ef meðaltalið gildir er þessu lokið núna en veðurguðinn spyr víst ekki um meðaltal. Brekkan var mokuð vel í vikunni og nú er hláka og allt í góðu en talsverður snjór í kringum húsið.

Af fésbókinni, höf. Daði Jóhannesson jan 2012

Af fésbókinni: Þessi Hafnfirðingur skildi glugga eftir opinn í jan 2012

Af fésbókinni: Í Grimsnesi í jan 2012

Kári fyrir utan aðalbyggingu Háskólans í Debrecen síðsumars 2005

Fyrir 7 árum, þann 26. ágúst 2004, birtsist fyrsta Dofrabloggið. Tilefnið var að Kári flutti að heiman og byrjaði námið sitt í Debrecen. Í dag er Kári hinsvegar að flytja heim aftur frá Debrecen. Hann tók lokaprófið sitt í læknisfræðinni þann 25. ágúst 2011. Framundan hjá honum er kandídatsár á Landspítala og mjög sennilega sérfræðinám fljótlega eftir það. En hver veit svosum hvað framíðin ber í skauti sér? Til að byrja með mun Kári búa hér í Dofra enda ekki beisinn leigumarkaðurinn auk þess sem það er varla kominn sá tími í hans lífi að hann festi sér íbúð til langs tíma.

Kári kemur heim frá Debrecen 3. sept. 2011 - í síðasta skipti í bili amk

Það eru dálítlir upplausnartímar meðal heilbrigðisstétta í landinu. Fjöldi lækna og hjúkrunarfræðinga flyst til Noregs og víðar vegna þrenginga í launum og aðstöðu. Gunnhildur hans Snúlla er búin að vera um ár í Oslo og er nú komin til Svíþjóðar í frekara nám. Labradorinn  Hrói er búinn að vera hjá mér í um mánuð og á væntanlega eftir að vera um tvo mánuði í viðbót vegna þess að eigandinn, sem er læknir, tók sig upp og flutti til St. Louis í BNA.

Á fyrrihluta námsára Kára voru allir í blogginu og sérstaklega þeir sem fluttu að heiman eins og stúdentarnir í Debrecen. Ég fygdist því með Kára og lífinu í Derecen á mörgum bloggsíðum. Kári bloggaði stundum en öflugust var Gunna Dóra sem hélt úti frábærri bloggsíðu allan tímann sinn í Debrecen. Á árunum 2008 og 2009 fluttu fleiri og fleiri sig á Fésbókina og í seinni tíð hafa bloggfærslur að mestu lagst niður. Það á líka við um Dofrablogg sem hefur átt sín uppsanddowns en einkum downs í seinni tíð. En hvað sem því líður hefur bloggið gert mér kleift að vera í meira sambandi við Kára en algengt var um stúdenta erlendis hér áður fyrr.

Samtals eru skráðar 448 færslur og 331 athugasemdir á Dofrabloggi. Lengi vel notaði ég Typepad bloggkerfi en í sparnaðarátaki í nóvember 2010 flutti ég bloggið á ókeypis WordPress kerfi. Síðan þá hafa heimsóknir á bloggið verið 753 eða um 80 á mánuði. Þetta er í raun meira en ég átti von á því gósentímar bloggsins eru löngu liðnir. Ég tapaði hinsvegar tölfræðinni frá fyrri tímum þegar ég flutti frá Typepad þannig að ég get ekki velt mér uppúr henni – en ég hef annars verulega gaman að svoleiðis.

Til hamingju Kári minn og velkoninn heim aftur.

Svona leit Esjan út í morgun. Í nótt um kl 0100 var 2ggja gráðu hiti, hávaðarok og slydda. Í dag hefur hitamælirinn skriðið yfir 10° í fyrsta skipti í langan tíma. Er nokkur furða þótt fólk tali um veðrið? Hvítasunnudagur á sunnudaginn kemur.

Bara til að það sé á hreinu þá var Esjan orðin snjólaus að mestu.

MSC Poesia

Ferðamannatíminn byrjaði 30. maí en þá kom fyrsta skemmtiferðaskipið í Sundahöfn. Það hefur verið kannað að hver ferðamaður sem kemur með skemmtiferðaskipi til landsin skilur eftir um €75 sem á núverandi gengi er um 12 þús. kr. Samtals verða þetta um 2 milljarðar í ár ef spár ganga eftir.

MSC Poesia

Fyrsta skipið var Poesia, um 93 þús. tonn skráð í Panama og getur tekið allt að 3600 farþega.  Þetta er, miðað við myndirnar, með flottari skipum. Næst kom Asuka II sem er um helmingi minna og skráð í Japan og 3. maí kom lítið skip frá Noregi sem sérhæfir sig í ferðum um Norðurhöf á Suðurskautslandið. Skipið heitir enda Fram sem var jú nafnið á skipinu hans Friðþjófs Nansens.